Í 2006 var Gianluigi Buffon ein avgerandi partur av italska fótbóltslandsliðnum, sum vann HM-endaspælið á Olympiastadion í Berlin.
Leygardagin kemur hann aftur á leikvøllin í týska høvuðsstaðnum sum partur av starvsfólkahópinum hjá italska liðnum, sum møtir Sveis í 16-mannafari í EM.
Og legendariski málverjin hevur longu róst sínum avrikum í Berlin, avdúkar landsliðsvenjarin Luciano Spalletti.
- Vit hava Gianluigi Buffon við, og seinastu dagarnar hevur hann greitt okkum frá tí finaluni. Tað hevur hann umrøtt við øll, sigur Spalletti sambært AFP.
- Hann hevur givið okkum møguleikan at enduruppliva spenningin, sum vit høvdu gleði av, tá vit sóu tað heima í stovunum í 2006.
Landsvenjarin heldur, at prátið um finaluna í 2006 kann hava jaliga ávirkan á leikararnar.
- Vit vita, at vit mugu virða samanberingarnar við okkara undangongumenn, sum bóru steypið heim. Tað leggur nakað av trýsti og nakað av ábyrgdarkenslu afturat, sigur Spalletti.
Italia er komið í áttandapartsfinaluna við sigri, tapi og javnleiki í bólkaspælinum. Framyvir telja bert sigrar, og italiumenn mugu tína seg upp fyri at koma langt, heldur landsliðsvenjarin.
- Vit mugu ásanna, at vit kunnu ikki sløkkja kontaktina, eins og vit onkuntíð gjørdu í teimum dystunum, sum vit hava spælt higartil, sigur Luciano Spalletti.
- Vit hava rokkið hjartanum í kappingini, so nú er einki alternativ til at raka eitt høgt støði, sum vit skulu vísa støðugt.
- Frá einum sálarfrøðiligum sjónarhorni vænti eg eitt sindur meira enn vit higartil hava víst, sigur landsliðsvenjarin.
Italia og Sveis møtast leygardagin kl.
/ritzau/
