Strømmen IF. Soleiðis eitur liðið hjá Hera Hjalt Mohr.
Talan er um eitt lið í triðbestu norsku fótbóltsdeildini. Sjálvt staðið liggur 20 km eystanfyri Oslo.
Leygardagin spældi Strømmen fyrsta dystin í triðbestu deildini hetta kappingarárið.
Á heimavølli eydnaðist tað Strømmen at vinna 2-0 á Follo. Heri kom á vøllin ta seinastu løtuna.
14 lið eru í deildini, so spælast skulu 25 dystir aftrat.
Komandi mikudag klokkan 17 skal Strømmen spæla dyst í norsku steypakappingini á útivølli. Dysturin verður ímóti Gjelleråsen, ið spælir í fjórðbestu deildini.
Komandi leygardag møtir Strømmen Ull/Kisa á útivølli í triðbestu deildini.