Ígjár spældu Lív S. Poulsen og liðfelagarnir í TMS Ringsted dyst á útivølli móti Holstebro í næstbestu donsku hondbóltsdeildini.
Undan dystinum hevði Ringsted vunnið fýra dystir rað, men ígjár var sigursrøðin steðgað.
Holstebro vann ein tepran 25-24 sigur. Evi Jaspers skoraði sigursmálið fyri Holstebro til 25-24 tá bert sjey sekund vóru eftir av dystinum.
Í steðginum var heimaliðið á odda 13-12. Lív skoraði trý mál.
Ringsted er nummar sjey í deildini við átta stigum fyri 10 dystir. Aftaná fimm teir fyrstu dystirnar hevði liðið einki stig, so talan er um ein stóran bata.
Seinasti dysturin hjá Ringsted undan jólum verður á heimavølli leygardagin 16. desember. Tá kemur Roskilde á vitjan.
Kappingin verður tikin upp aftur 6. januar.
