Tað er eingin loyna, at ítróttastjørnur kunnu tjena nógvar pengar. Loyniligt er tað heldur ikki, at lønirnar í stórum ítróttagreinum alsamt vaksa.
Amerikanska fíggjarblaðið Forbes hevur givið út árliga listan yvir tey ítróttarfólk, ið tjena mest. Annað árið á rað er Cristiano Ronaldo ovast, nú við milliardainntøku.
Listin fyri 2024 – og serliga ovast plássini – avdúka ein ógvusligt lønarlop.
Sambært Forbes stendur Ronaldo til at gjena 260 milliónir dollarar í ár. Tað svarar til næstan 1,8 milliardir krónur og er næsta tvífalt tað, sum hann sambært Forbes tjenti í fjør. Tá var inntøkan 936 milliónir krónur.
Smáar 1,4 milliardir koma frá lukrativa sáttmálanum við saudiarabiska Al-Nassr. Restin er frá sponsoratum o. ø. uttan fyri vøllin.
Spanski golfspælarin, Jon Rahm, hevur sáttmála við umstrídda LOV Golf Tour, sum eisini hevur saudiarbiskar pengar í rygginum. Tað fær hann upp á annað pláss á listanum við eini inntøku upp á 1,5 milliardir krónur.
Í fjør var kurvabóltspælarin Kevin Durant á tíggjunda plássi við eini inntøku upp á 613 milliónir krónur. Í ár er NFL-stjørnan Lamar Jackson á 10 pláss, men við eini inntøku upp á 692 milliónir krónur.
Listin sær soleiðis út í krónur:
1. Cristiano Ronaldo (fótbóltur) - 1,8 milliardir.
2. Jon Rahm (golf) - 1,5 milliardir.
3. Lionel Messi (fótbóltur) - 929 milliónir.
4. LeBron James (kurvabóltur) - 882 milliónir.
5. Giannis Antetokounmpo (kurvabóltur) - 764 milliónir.
6. Kylian Mbappé (fótbóltur) - 757 milliónir.
7. Neymar (fótbóltur) - 743 milliónir.
8. Karim Benzema (fótbóltur) - 729 milliónir.
9. Stephen Curry (kurvabóltur) - 702 milliónir.
10. Lamar Jackson (amerikanskur fótbóltur) - 692 milliónir.
/ritzau/