Team Klaksvík hevur í kvøld skrivað søgu við at spæla tann fyrsta dystin nakrantíð í einari evropeiskari kapping.
Team Klaksvík tapti niðri í Bosnia 19-30 fyri RK Sloboda í tí sum tekniskt var heimadysturin hjá Team Klaksvík.
Í steðginum var RK Sloboda á odda 15-7.
Team Klaksvík brendi 28 av 47 málmøguleikunum, og tað kostaði dýrt tá samanum kom.
RK Sloboda hinvegin skoraði upp á 30 av 41 málmøguleikum.
Liðini spæla aftur sunnudagin niðri í Bosnia Hersogovina. Dysturin byrjar klokkan 14.
Team Klaksvík-RK Sloboda 19-30 (7-15) - Europa Cup 1. umfar, fyrri dysturin
Team Klaksvík: Brian Slyne 6/13, Beinir Johannesen 4/5, Jens Pauli Poulsen 3/6, Suni E. Dalsgaard 2/6, Dánjal Kjærbo 1/1, Ludvík Súnason 1/3, Juraj Fistonic 1/3, Nikolai Bliznov 1/4.
David Henigman hevði eitt bjargingarprosent upp á 17,65 prosent, sambært Eurohandball.
