Ukraina setir nú revsitiltøk í verk móti nývalda forsætisráðharranum í Georgia, Bidzina Ivanisjvili.
Orsøkin er, at Ukraina heldur, at forsætisráðharrin í landinum er í ferð við at lata Georgia til Russlands.
Nývaldi forsætisráðharrin í Georgia hevur nevniliga kunngjørt, at tilgongdin hjá landinum til ES er løgd á ís.
Útsagnirnar hjá Bidzina Ivanisjvili hava ført til stór mótmæli í Georgia.
Í dag kunngjørdi so Ukraina, at landið fer at seta revsitiltøk í verk móti nýggja forsætisráðharranum og fleiri limum í stjórn hansara.
##med2##
- Talan er um revsitiltøk móti pørtum av stjórnini - teimum, sum vilja lata Georgia upp í hendurnar á Vladimir Putin.
Hetta sigur ukrainski forsetin, Volodymyr Zelenskyj, sambært tíðindastovuni NTB í dag.
