Í morgin klokkan 15.30 spælir føroyska kvinnulandsliðið annan dystin í hesari EM-undankappingini.
Dysturin í morgin verður móti Montenegro, ið vann 9-0 stórsigur á Føroyum 1. desember í fjør. Tá var talan um dyst í Nations League.
Góða avrikið og tepra 0-1 tapið fyri Grikkalandi á Kreta í farnu viku gevur tó vónir um, at Føroyar fara at standa seg munandi betri hesaferð.
Í einum HM-undankappingardysti, ið var leiktur 8. apríl í 2017 vunnu Føroyar 2-1 á Montenegro á útivølli. Tá vóru Eyðvør Klakstein og Birita Nielsen málskjúttar.
Á heimavølli hava Føroyar leikt javnleik 3-3 móti Montenegro í einum HM-undankappingardysti, ið var leiktur 4. apríl í 2013. 22. september í fjør gjørdist talan um tepurt 0-1 tap fyri Montenegro.
HER er samandrátturin frá seinasta dystinum millum Montenegro og Føroyar, ið var leiktur 1. desember í fjør:
##med2##
