Eitt ísraelskt loftálop á ein íbúðarbygning í býnum Beit Lahiya har norðuri í Gazageiranum hevur kostað fleiri enn 70 fólkum lívið.
Tað upplýsa almennu myndugleikarnir í Gaza, sum siga, at bygningurin er lagdur í oyði.
Sagt verður, at seks palestinskar familjur búðu í bygninginum, harav 26 fólk eru funnin deyð í leivdunum, og í minsta lagi 59 framvegis eru saknað.
Palestinska verjan sigur, at umleið 70 fólk vóru í bygninginum, tá hann varð álopin við rakettum.
- Fleiri av teimum deyðu eru sambært palestinsku myndugleikunum kvinnur og børn, veit tíðindastovan NTB at siga í morgun.
