Fyrsti dysturin í bólki 2 í Faxe Kondi kappingini hjá kvinnum er leiktur tíðliga seinnapartin í dag.
Í høllini á Hálsi í Havn vann Neistin stórsigur 28-17 á EB. Í steðginum var Neistin á odda 17-6, og í seinna hálvleiki megnaðu tær bláu at halda munin.
Hervør Niclasen, Anna S. Mikkelsen og Birna Eyðunardóttir vóru toppskjúttar hjá Neistanum. Tær skutu fýra mál hvør. Sanja Pajic var toppskjútti hjá EB við fimm málum.
Komandi mikukvøld klokkan 19.30 spæla hini báði liðini í bólkinum, StÍF og Stjørnan í høllini á Skála.
HER ber til at síggja dómaraseðilin hjá HSF frá dystinum millum Neistan og EB:
##med2##
