33 ára gamli maðurin í Korsør-málinum er í dag funnin sekur í at hava framt grovar brotsgerðir í ímóti trimum tannáringa gentunum og fyri at hava dripið Emilie Meng í 2016.
Tað framgongur í dóminum, sum rættarformaðurin Bo Rasmussen í dag las upp í rættinum.
Maðurin er funnin sekur í øllum ákærum.
Hann hevði longu játtað seg sekan í, at hann í fjør burturflutti og gjørdi seg inn á eina tá 13 ára gamla gentu, men hann noktar seg sekan í at hava neyðtikið hana og fyri drápsroynd ímóti henni.
Hann noktaði seg sekan í brotsgerðunum ímóti hinum ofrunum.
Har var hann ákærdur fyri at hava roynt at burturflyta og neyðtaka eina 15 ára gamla gentur úr einum eftirskúla í Sorø í november í 2022 eins og at hava burturflutt, neyðtikið og dripið 17 ára gomlu Emiliu Meng, sum hvarv á veg heim frá Korsør Station náttina 10. juli í 2016.
Dómurin væntast seinni í dag.
/ritzau/