Philip Patrick Westh møtir ikki til dómin sum fellir um eina løtu.
Tað er greitt, eftir at dómarin Bo Rasmussen áðrenn døgurðasteðgin gjørdi av, at Philip Patrick Westh ikki nýtist at vera til staðar, tá dómurin verður sagdur.
Eftir dómsviðgerðina spurdi verjin, um tað var í lagi, at hann ikki møtti til dómin.
- Tað er í lagi, sigur formansdómarin.
Meðan Philip Patrick Westh verður fylgdur út úr rættarsalinum av embætismonnum, rópar onkur av áhoyrarunum eftir honum.
- Má tú rotna í helviti, tín psykopatur, verður rópt, og tað førir til lógvabrestir í rættarsalinum.
Dómurin verður væntandi sagdur nú klokkan 14.
Hann er funnin sekur í drápinum á Emilie Meng, langtíðar frælsistøku og neyðtøku av eini 13 ára gamlari gentu og roynd at frælsistaka og neyðtaka eina 15 ára gamla gentu.
Verjin hjá 13 ára gomlu gentuni, Hari Aaby Mandic, hevur sagt, at 13 ára gamla gentan verður øi rættinum til dómin.
Hann hevur eisini sagt, at hann væntar, at tað verður ein útsøgn frá 13 ára gomlu og hennara familju, sum hann fer at lesa upp.
Ákærin, Thea Høst, legði fríggjamorgunin fram sakarmálsviðgerðina hjá ákæruvaldinum. Hon hevur ført fram, at hann eigur at verða dømdur lívlanga fongsulsrevsing. Metir rætturin ikki, at lívlanga fongsulsrevsing eigur at verða ásett, heldur ákærin, at hann eigur at verða dømdur forvaring.
Verjin hjá Philip Patrick Westh, Karina Skou, gjørdi í byrjanini av sakarmálinum greitt, at hann ætlar at kæra dómin.
Hon førdi síðani fram, at hann skuldi dømast 16 ára fongsulsrevsing.
- Tað er umráðandi at minnast til, at hann hevur góð persónlig sambond og ikki áður hevur verið revsaður, segði verjin.
Tað eru tríggir løgfrøðiligir dómararnir í málinum og seks nevningar, sum taka støðu til dómin.
Teir vóru allir samdir um at finna hann sekan í so at siga øllum ákærunum í ákæruritinum.
/ritzau/
