- Nato-limalondini mugu veksa um verjuútreiðslurnar.
Tað segði nýggi aðalskrivarin og avloysarin hjá Jens Stoltenberg, Mark Rutte í Davos í Sveis í gjár, og tað er Reuters, sum endurgevur.
Hann vísti á, at limalondini noyðast at brúka meira enn tvey prosent av sínari bruttotjóðarúrtøku til verjuútreiðslur.
- Saman mugu vit veksa um verjuútreiðslurnar, og vit skulu taka støðu til neyva prosenttalið seinni í ár.
Mark Rutte segði tað vera greitt, at prosenttalið til verjuútreiðslur verður hægri enn tvey prosent av BTÚ.
