Tað er Verdens Gang, sum í morgun ber tíðindini um, at ein norðmaður er skotin og dripin av tveimum persónum í meksikanska høvuðsstaðnum, Meksiko býi.
Norska uttanríkisráðið váttar yvirfyri NRK, norska kringvarpinum, at tey eru vitandi um, at ein norskur ríkisborgari er deyður í Meksiko.
- Málið verður kannað saman við løgregluni í Meksiko og norsku sendistovuni í landinum, leggur uttanríkisráðið aftrat.
Í morgun veit norska uttanríkisráðið eisini at siga, at ein norskur ríkisborgari er funnin deyður á sponsku frítíðaroynni, Gran Kanaria.
Tað er Canariaávísin, sum ber hesi tíðindi, og norska uttanríkisráðið váttar eisini tíðindini um deyðsfallið.
- Vit eru kunnað um, at ein norskur ríkisborgari er deyður á Gran Kanaria, og tey avvarðandi hava fingið boðini.
Tað upplýsir kunningarráðgevin hjá norska uttanríkisráðnum, Guri Solberg, yvirfyri www.dagladet.no
##med2##
