Flogfør kunnu aftur lenda á og fara á flog av flogvøllinum í Keypmannahavn.
Tað segði Rasmus Baad, tíðindaráðgevi á flogvøllinum í Keypmannahavn, við Ritzau eftir at flogferðslan varð stongd fyrr í kvøld, tí dronuvirksemi varð eygleitt í økinum.
Flogferðslan varð stongd mikudagin klokkan 21:41 og læt upp aftur stutt fyri klokkan 23:30.
- Vit hava latið uppaftur, so nú byrja flogførini at lenda og fara. Flogførini, sum eru ávegis, sleppa at lenda, og tey, sum skuldu avstað, sleppa at fara avstað nú, sigur Rasmus Baad fáar minuttir eftir ferniseringina.
Tað verða fáar seinkingar í hesum sambandi, sigur Rasmus Baad.
- Flogførini, sum skuldu avstað, eru seinkað, leggur hann dent á.
- Men her eru næstan eingi flogfør, sum lenda og fara um náttina, so fyrrapartin í morgin vænta vit heilt vanligan rakstur uttan seinkingar.
Statsfelagið Naviair hevur ræði á loftrúminum kring flogvøllin. Naviair avgjørdi at steingja flogvøllin og tók eisini avgerðina um at lata hann uppaftur, sigur Rasmus Baad.
Í sambandi við stongsulin hjálpti floghavnin flogfeløgum at umleggja flogferðslurnar til til dømis floghavnina í Malmö.
Løgreglan í Keypmannahavn skrivaði fyrr í kvøld á sosiala miðlinum X, at tey vóru til staðar í økinum kring Avedøre Holme og Amager Fælled, tá dronuvirksemi hevði verið eygleitt.
Kanningin heldur fram, sigur Anders Frederiksen, vakthavandi hjá løgregluni í Keypmannahavn, við Ritzau umleið klokkan 23:40.
- Enn hava vit ikki hitt nakran av hesum dronuflogskiparunum, og vit arbeiða sjálvandi við at finna út av, hvørji tey eru og hvør fleyg við hesum dronunum. So tann kanningin er sjálvandi í gongd, sigur hann.
Vaktleiðarin hevur ikki fleiri upplýsingar.
Enn er tí óvist, hvør kann standa aftanfyri dronuflúgvingina, og um talan er um eina ella fleiri dronur.
/Ritzau/
