Føroyski málverjin, Silja A. Müller og liðfelagarnir í Vali spældu í kvøld dyst á útivølli móti Stjörnuni í bestu íslendsku hondbóltsdeildini.
Valur vann ein knúsandi 40-24 stórsigur. Í steðginum var Valur frammanfyri 22-13.
Sum vant vardi Hafdís Renötudóttir málið hjá Vali størsta partin av dystinum. Silja slapp tó í part, og bjargaði 20 % av málroyndunum.
Valur er greitt oddalið í deildini við 26 stigum fyri 14 dystir. Haukar og Fram hava 20 stig hvør.
Týskvøldið 11. februar tekur Valur móti ÍR á heimavølli.
