Í gjár var fyri fyrstu ferð høvi hjá fólki í Saltnesi, Toftum og Nesi at velja fólk í býráðið í Nes kommunu.
Síðan seinasta kommunuval hevur kommunan tikið býarheitið, tá talið av borgarum í kommununi fór upp um tey 1500.
Seinnu árini hevur stórur fólkavøkstur verið í Nes kommunu og serliga, síðan Eysturoyartunnilin læt upp, er fólkatalið vaksið nógv.
Á kommunuvalinum í gjár vóru tveir listar í Nes kommunu, listi A og listi B, harav listi A fekk seks umboð, og listi B fekk eitt umboð.
Á seinasta kommunuvali vóru tveir toppskorarar, Heini S. Kristiansen og Súni í Hjøllum, harav Súni tá fekk høvi at taka borgarstjórasessin.
At borgarstjórasessurin kann hava eina stóra effekt, vísir úrslitið av kommunuvalinum í Nes kommunu í gjár.
##med2##
Súni í Hjøllum gjørdi eitt kanónval og meira enn tvífaldaði sítt atkvøðutal.
Hinvegin fall Heini S. Kristiansen á valinum. Hann fekk 50 atkvøður, sum ikki rakk til sess í býráðnum hesaferð.
Eftir at valúrslitið fyrilá í gjárkvøldið, gjørdist Súni í Hjøllum púrasta ovfarin.
Hann fekk heili 339 persónligar atkvøður av tilsamans 955, sum vóru á vali og soleiðis eina dygga álitisváttan.
Soleiðis fall valúrslitið í Nes kommunu í gjár:
##med3##
