Vit skulu hava fleiri leigu- og lutaíbúðir, íbúðir til lesandi, til fólk við serligum tørvi, eigaraíbúðir og leiguíbúðir kring alt landið.
Seinastu árini hava vit merkt ein stóran fólkavøkstur í Føroyum. Vit síggja at fleiri og fleiri velja Føroyar til heldur enn frá. Somuleiðis síggja vit eisini, at áhugi er fyri at búgva í øllum økjum í Føroyum. Men samstundis hava vit sum samfelag ikki megnað at nøkta bústaðartørvin, og tí síggja vit, at fleiri og fleiri ikki hava ráð at seta búgv í Føroyum.
Øll skulu hava rætt til eitt heim. Tað skal ikki gerast munur á, um tú ert lesandi, lág- ella miðalløntur, vilt leiga, ella hvar í landinum, tú ynskir at seta búgva. Tí skulu vit eisini arbeiða fyri fjølbroyttum bústaðarmøguleikum í Føroyum.
Ítøkiliga skulu kommunurnar í samstarvi við Bústaðir hava heimild til at stovna almannagagnlig bústaðarfeløg. Á hendan hátt tryggja vit ikki einans, at bústaðir verða bygdir til øll kring alt landið, men eisini at prísurin á bústøðunum verður hildin á einum støði, har allir borgarar, uttan mun til inntøku, hava møguleika at fáa ein bústað.
Terji Beder
Valevni fyri Javnaðarflokkin
