Frá tveimum skipum til trý. Soleiðis tykjast ætlanirnar hjá donsku stjórnini at vera í sambandi við eftirlitsskip í Thetis-flokkinum, sum skulu virka í Arktis, skrivar DR.
Sambært miðlinum vil stjórnin nú hava trý nýggj eftirlitsskip í komandi verjuavtaluni um Arktis, í staðin fyri tvey skip, sum vóru við í upprunaliga uppskotinum.
Tað stendur í einum skjali, sum er sent úr Verjumálaráðnum til teirra, sum skulu gera verjusemjuna, skrivar DR.
Tilsamans hevur stjórnin ætlað at brúkt 15 milliardir krónur til at dubba í Arktis. Hetta verður gjørt við nýggjari partsavtalu undir verjusemjuni.
Millum annað verða pengar brúktir til fleiri skip, tvær dronur og tvey sletulið afturat til Sirius-patruljuna.
/Ritzau/
