Ein dystur var seinnapartin leiktur í í bólki 2 í Faxe Kondi kappingini hjá monnum.
Í Badmintonhøllini í Klaksvík vann H71 ein knúsandi 50-19 stórsigur á Team Klaksvík. Í steðginum vóru hoyvíkingar á odda 25-12.
David Danielsen var toppskjútti hjá Team Klaksvík við fimm málum. Jákup Egholm var toppskjútti hjá H71 við 12 málum.
Aftaná tvey umfør er H71 einsamalt oddalið við fýra stigum. Kyndil og StíF hava tvey stig hvør, og Team Klaksvík er aftast við ongum stigi.
Mikukvøldið 11. desember møtast H71 og StÍF í Hoyvíkshøllini, og hóskvøldið 12. desember klokkan 20 tekur Kyndil móti Team Klaksvík í høllini á Hálsi í Havn.
HER ber til at síggja dómaraseðilin frá HSF frá dystinum millum Team Klaksvík og H71:
##med2##
