Norska kvinnulandsliðið í hondbólti er ræðandi sterkt. Tað prógvaðu tær aftur í dag við at vinna ein risastóran sigur á Slovakia í triðja og seinasta dystinum í bólki E í EM-endaspælinum.
Í Innsbrück vann Noreg 38-15 á Slovakia. Í steðginum var Noreg á odda 20-8.
Camilla Herrem var toppskjútti hjá Noreg við átta málum. Tatiana Šutranova var toppskjútti hjá Slovakia við fimm málum. Silje Solberg í norska málinum bjargaði heili 56 prosentum av málroyndunum slovakisku leikararnir høvdu móti hennara máli.
Slovenia knústi hjørtuni hjá eysturríksku vertunum við at vinna 25-24 (13-13) á Eysturríki.
Úrslitið merkir, at Slovenia fylgir Noregi í millumumfarið. Noreg vinnur bólk E við seks stigum. Slovenia hevur fýra stig, Eysturríki hevur tvey stig, og Slovakia einki stig. Noreg tekur tvey stig við sær til millumumfarið.
HER ber til at síggja samandráttin hjá Eurohandball frá dystinum Slovakia-Noreg 15-38 (8-20):
##med2##
