Vaktleiðarin á politistøðini í Havn greiðir frá, at óhappið hendi, tá ein bilur koyrir á ein mann, sum gongur á gongubreytini í Tórsgøtu. Hetta er millum Meiaríið og Posthúsið. Síðani koyrir bilurin á fýra aðrar bilar, í øllum førum nakrir stóðu parkeraðir undir Posthúsini.
Ákoyrdi maðurin, sum var ein tilkomin maður, varð fluttur á Landssjúkrahúsið. Hann hevur fingið nakrar skaðar og skal vera har til kanningar í nakrar dagar, sigur vaktleiðarin. Løgreglan hevur enn ikki tosað við tann mannin. Men nógv fólk sóu tilburðin, sum hendi í nógvu ferðsluni sum var hendan black-friday-dagin.
Løgreglan hevur enn ikki fingið greiðu á orsøkini, men hevur ikki mistanka um rúsdrekka koyring. Førarin var ein eldri maður, sum eftir øllum at døma misti tamarhaldið á bilinum.
##med2##
##med3##
##med4##
##med5##
