Tey flestu hava merkt, at pengarnar strekkja til minni, og tá árið byrjaði, hækkaðu stovnsgjøldini eisini. Foreldragjaldið verður ásett av einum føstum prosentsatsi av, hvat tað kostar at reka dagstovnarnar í kommununi, og eisini tað er dýrkað. Vøggustovugjaldið er tað hægsta, og tí er tað gjaldið í krónum hækkað mest. Heldur enn at leggja størri fíggjarliga byrðu á familjurnar, vilja vit lækka vøggustovugjaldið, so pengarnar heldur kunnu brúkast í familjuni.
Ítøkiliga vilja vit lækka gjaldið úr 27 prosentum niður í 25 prosent fyri vøggustovupláss. Hetta er fyrsta broyting av hesum slag í mong ár. Ein lætti í gjaldinum fyri fyrstu ferð í longri tíð er ein liður í at lætta um hjá barnafamiljunum, men vit hava eisini sett okkum fyri at eftirhyggja gjaldið og gera størri broytingar.
Tað skal vera spennandi og mennandi at vera barn í kommununi og ikki minst, meðan tey eru á stovni. Tað er umráðandi, at vælskikkað starvsfólk, sum hava stundir og umstøður, eru um børnini í gerandisdegnum. Tí verður eisini arbeitt væl og virðiliga við at betra um námsfrøðiliga tilboðið í vøggustovum og barnagørðum, soleiðis at bæði børn og starvsfólk fara at støðast betur, samstundis sum vøggustovugjaldið lækkar.
Tí í Tórshavnar kommunu skulu allar barnafamiljur hava javnbjóðis møguleika fyri góðum og mennandi dagsstovnaplássi uttan mun til fíggjarligt rásarúm.
Elsa Berg, borgarstjóri
