Tað gjørdu tey í Støðlagøtu beint yvir av økinum, har kirkjan skal byggjast.
Alt er annars leyst og liðugt viðvíkjandi byggiloyvinum. Øll loyvir eru upp á pláss, og spakin verður settur í 5. mars.
Tey sum mótmæla siga, at stór mótstøða hevur verið ímóti at byggja á fríøkinum síðani ætlanin varð almenn.
– Hetta hava bæði mótmælisskriv, undirskriftsinnsavningar og spurnarkanningar staðfest. Enn hava myndugleikar ikki lurtað eftir meirilutanum, ei heldur virt fólkaræðið!
– Tað tykist kanska meiningsleyst at gera nakað meira, nú málið er komið so langt. Tó halda vit, sum hava stríðst fyri fríøkinum í fleiri ár, at tað er enn meira meinginsleyst, um vit ikki gera alt tað, vit eru ment, fyri at fora fyri at økið verður lagt undir betong og asfalt í allar ævir, skriva tey í bólkinum á Facebook.
##med2##
Og tí er tað, at tey um vikuskiftið hava savnað undirskriftir – í gjár og í dag millum klokkan 12 og 14, og sambært fyrireikarunum , sum eisini bjóðaðu kaffi, stóðu fólk í dag í kø fyri at skriva undir mótmælið.
Tað hevði verið nógv kjak um staðsetingina av nýggjari kirkju á Argjum, sum skal byggjast á økinum millum Sandá og Støðlagøtu. Málið er gamalt, tað byrjaði í 2006 og hevur verið fyri á 55 ymsum fundum í býráðnum hesi árini.
##med3##
##med4##
Men tann 29. februar í fjør samtykti Tórshavnar býráð endaliga byggiloyvi til kirkjuna á Argjum. Uppskotið varð samtykt við 8 atkvøðum fyri og 5 ímóti
Fyri byggilloyvi atkøvddu:
Annfinn Brekkstein úr Sambandsflokkinum
Heðin Mortensen úr Janaðarflokkinum
Tróndur Sigurðsson úr Janaðarflokkinum
Kári Johansen úr Janaðarflokkinum
Bjørg Dam úr Janaðarflokkinum
Birita Baldvinsdóttir úr Janaðarflokkinum
Birgir Nielsen úr Fólkaflokkinum
Jákup Dam úr Tjóðveldi
Myndir: Byggiloyvi til nýggja kirkju á Argjum
Ímóti artkøvddu:
Turið Horn úr Tjóðveldi
Annika Olsen úr Tjóðveldi
Jón Kragesteen úr Tjóðveldi
Súsanna Olsen úr Framsókn
Kristianna Winther Poulsen úr Javnaðarflokkinum
