Amerikanski forsetin, Donald Trump, segði í dag, at hann vil hava, at Ukraina letur USA serstøk jarðarsløg ella mineralir afturfyri amerikanskar hjálparveitingar.
Hann segði, at hetta er hansara ynski, eftir at USA hevur latið Ukraina 300 milliardir dollarar í stuðli síðan russisku innrásina í februar 2022 - ella fyri skjótt trimum árum síðan.
Sambært AFP-tíðindastovuni ynskir Trump'urin serstøk jarðarsløg og onnur "ting", sum kunnu brúkast í elektronikki.
- Higartil hevur Ukraina ikki svarað ynskjunum hjá amerikanska forsetanum um, hvussu hann vil hava amerikansku hjálpina afturrindaða, leggur AFP aftrat.
