Tey eru mong, sum gleðast yvir árligu Bach-konsertina, sum í jólamánaðinum er í Ólavskirkjuni í Kirkjubø.
Á tiltakinum verða bara kertulós brúkt, og áhoyrararnir hugsavna seg um tónleik í heimsflokki hjá meistaranum, Johan Sebastian Bach.
Uttanfyri elligomlu og hugtakandi kirkjuna við sjóvarmálan hoyrist alduskvatl. Hetta er ein hugnalig løta við meditatión burtur úr jólaresinum.
Konsertin í Ólavskirkjuni varar í ein tíma, og eftir konsertina verður - sum vant - móttøka í Roykstovuni í Kirkjubø.
Tað er mikukvøldið hin 4. desember klokkan 19, at hugnaliga og serstaka Bach-tiltakið verður í Kirkjubø og sum vant er alt ókeypis.
##med2##
