Javnaðarflokkurin Samfylkingin við Kristrúni Frostadóttur á odda verður størsti flokkur á valinum til Altingið í Íslandi.
Flokkurin hevur fingið 20,8 prosent av atkvøðunum og kann sostatt tryggja sær 15 av teimum tilsamans 63 sessunum í íslendska ríkisdegnum, Altinginum.
Tað upplýsir almenni miðilin RUV.
Næststørsti flokkur verður Sjálvstæðisflokkurin, sum Bjarna Benediktsson, forsætisráðharri, stendur á odda fyri. Flokkurin fekk 19,4 prosent av atkvøðunum og fekk 14 sessir á tingi.
Viðreisn gerst triðstørsti. 15,8 prosent av veljarunum atkvøddu fyri flokkinum á valinum í ár. Hetta gevur flokkinum 11 umboð.
Meðan Javnaðarflokkurin og Framsóknarflokkurin vunnu ávikavist níggju og seks tingsessir afturat, so førir valið við sær, at Sjálvstæðisflokkurin minkar við tveimum umboðum.
/Ritzau/
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
