Italski miðvallarin, Edoardo Bove, small brádliga mitt á vøllinum stutt inni í uppgerðini hjá Fiorentina í Seriu A ímóti Inter í dag.
22 ára gamli Fiorentina-leikarin var í ferð við at boyggja seg niður fyri at lata seg úr skónum, tá hann small á grasið, skrivar tíðindastovan Reuters.
Tað steðgaði dystinum, og beinanvegin skundaðu leikarar, venjarar og læknastarvsfólk sær móti Bove at veita hjálp. Spælararnir stóðu saman í einum ringi kring Bove meðan viðgerðin fór fram.
Italiumaðurin endaði við at verða fluttur burtur við sjúkrabili. Dómarin bað síðani spælararnir um at fara av vøllinum og fara í umklæðingarrúmið.
Sambært Sky Sport Italia varð fótbóltsspælarin fluttur á sjúkrahúsið Careggi nærhendis leikvøllinum í Firenze.
Tá hann varð koyrdur av leikvøllinum, andaði hann framvegis, men hann var ikki við vit, skrivar italski miðilin.
Dysturin er steðgaður í óásetta tíð.
/Ritzau/
