Úrslit av hurburðs- og meiningakanning, sum Lóður hevur gjørt fyri Sev, vísir m.a., at ein triðingur av teimum spurdu saknar meiri vitan um, hvørjar loysnir hóska best til teirra. Helvtin metir, at tað er ov dýrt.
Stuðulstiltøk muna
Kanningin er gjørd í tveimum umførum: fyrst í 2019 og síðan í november 2023. Ein greið broyting er farin fram í hugburðinum hjá fólki til eitt nú møguleikan at skifta til elbil og alternativa hitaskipan.
Talið á elbilum og hitapumpum í føroysku húsarhaldunum er munandi økt í hesum tíðarskeiðnum. Ein av orsøkunum tykist vera, at í hesum tíðarskeiðnum hava ymisk stuðulstiltøk verið í gildi, eitt nú avsláttur í elprísinum og mvg-frítøka av elbilum og hitapumpum.
Kanningin vísir eisini, at ársinntøkan í 44 prosentum av húsarhaldunum, sum hava lagt um til hitapumpu, liggur yvir 1 millión krónur.
