Í gjár var altingsval í Íslandi, har politisk ósemja førdi til nýval.
Íslendingar hava valt nýtt tjóðarting, eftir at ósemja um tilflyting, orkupolitikk og búskapin noyddi Bjarna Benediktsson, forsætisráðharra, at tveita handklæðið i ringin og skriva út nýval.
Øll valstøðini megnaðu at hava opið hóast illveður, sum gjørdi, at vegir í nógvum økjum vóru stongdir vegna hálku. Uppteljingin byrjaði eftir at valhølini stongdu í gjárkvøldið, og úrslitið væntast tíðliga í morgun.
Hetta er sætta altingsvalið í Íslandi, síðani fíggjarkreppan í 2008 legði íslendska búskapin í oyði og førdi til eina nýggja tíð við politiskum órógvi.
Meiningakanningar vístu, at valið kundi vera einkolvelting, har undirtøkan fyri teimum trimum stjórnarflokkunum minkaði. Bjarni Benediktsson, sum gjørdist forsætisráðharri í apríl eftir at forsætisráðfrúan legði frá sær, stríddist við at halda saman upp á samgonguna við konservativa Sjálvstýrisflokkinum, miðflokkinum Framburðsflokkinum og Vinstra-Grønu Rørsluni.
Í íslendska Altinginum eru 63 sessir.
Úrslitið av valinum er sambært fyribils tølum er, at javnaðarflokkurin Samfylkingin er størsti flokkur við 16 tingsessum. Flokkurin hevði 6 tingsessir, so tað er ein framgongd upp á 10 tingsessir.
Fyribils úrslitið á valinum er sambært íslendska Morgunblaðnum hetta:
##med2##
