Pætur Mikkjalsson, Pauli Mittún og liðfelagarnir í Team Sydhavsøerne spældu í dag dyst á heimavølli í næstbestu donsku hondbóltsdeildini móti liðnum, ið nevnist Rækker Mølle.
Rækker Mølle vann ein greiðan 38-31 sigur. Útiliðið legði góðan botn í fyrra hálvleiki, og í steðginum vóru teir á odda 18-12.
Pætur skoraði fýra mál fyri suðuroyggjamenn í dag.
Team Sydhavsøerne er nummar sjey í deildini við 11 stigum fyri 12 dystir. Teir hava bert trý stig niður til niðurflytingarstrikuna.
Komandi fríggjakvøld klokkan 18.30 hava suðuroyggjamenn dyst á útivølli móti Faaborg. Seinasti dysturin undan vetrarsteðginum verður ikki fyrrenn 21. desember. Tá liggur kappingin still í smáar fimm vikur.
